Horjooge sare oo ka tirsanaa al-Shabaab oo isa soo dhiibay


Horjooge sare oo ka tirsanaa ururka argagixisada ah ee dilaaga ah ee al-Shabaab ayaa isuu soo dhiibay Ciidammada Xoogga dalkeenna Soomaaliyeed kaddib markii uu u adkeesan waayay ficillada ururku ku dhaqaaqo ee dhibaateynta ummadda Soomaaliyeed ee dhibbanayaasha ah.
Sarkaalka isa soo dhiibay ayaa wararka waxa ay sheegayaan inuu ka soo goostay dhanka gobolka Baay, wuxuuna watay hubkiisa oo ah qori AK47.
Sarkaalkaan ayaa isa soo dhiibitaankiisa waxaa u sahlay xiriir uu la soo sameeyay saraakiisha Ciidamada Dowladda ee gobolka Gedo oo u diyaarsanaa soo dhaweyntiisa.
Saraakiisha Ciidamada dowladda ee Degmada Ceelwaaq ee Gobolka Gedo, ayaa sheegay inay si wanaagsan u soo dhaweeyeen sarkaalka isa soo dhiibay, maadaama uu garowsaday inuu Shabaab ka soo baxo.
Horjoogaha isa soo dhiibay ayaa dhankiisa sheegeen saraakiisha sababta uu Shabaab kaga soo baxay inay tahay, kadib markii uu u dulqaadan waayay dhibaatooyinka Shabaab u gaystaan dadka shacabka ah.
Muddooyinkii dambe ayaa waxaa jiray xubno kala duwan oo Shabaab ka tirsan oo isku soo dhiibaayay ciidamada dowladda Federalka Somaliya ee dhammaan dalka.

Al-Shabaab oo ku faantay qarax 10 shacab ah ku dhinteen

 

Ururka dilaaga ah ee al-Shabaab wuxuu baraha internet-ka ee afkiisa ku hadlaan ku sheegay mas’uuliyadda qarax uu la beegsaday shacabka Soomaaliyeed ee ku dhaqan Warta Nabadda halkaasoo ay ku dhinteen ilaa 10 qof oo nolol-maalmeedkooda ku mashquulsanaa.


Wararka qaar waxay sheegayaan in dad goobjoogeyaal ah ay sheegeen in ay goobtaas ka socotay cunto qaybin xilliga uu qaraxu dhacay.


Wararku waxay sheegayaan in ugu yaraan 10 qof oo aan wax dambi ah galin ay ku dhinteen, islamarkaana ay ku dhaawacmeen 12 qof oo kale.

Ururkaan iska dhaadhiciyay in keligiisa uu Muslim yahay, dhammaan dadka kalana ay yihiin murtadiin, wuxuu ku dhaqaaqaa falal aad u dhibaateeyaan nabadda, horumarka iyo nolosha dadweynaha Soomaaliyeed ee doonayaan in noloshooda ay ahaato mid nabad ah oo aan khashkhashaad laheyn.

SNA oo tusay al-Shabaab labadooda keebaa awood leh


Ciidammada Xoogga Dalka Soomaaliyeed ee SNA waxay fashiliyeen weerar ay dhiig-cabtada al-Shabaab kusoo qaadeen fariisiin ciidanku ku leeyihiin degmada Bariire 13-kii bishan Maayo.


Ciidanka Xoogga Dalka ee Bariire ku sugan oo xogta weerarka al-Shabaab sii hayey ayaa waxaa maleeshiyadii soo qaaday weerarka halkaas loogu geystay khaasaro weyn.


Jeneral Odawaa Yuusuf Raage Taliyaha Ciidanka lugta ayaa sheegay in 14 ka mid ah meydadka Shabaabkii Bariire soo weeraray halkaas yaalaan.


Qaar ka mid ah dadka deegaanka ayaa sheegeen in ay arkeen meydad badan maleeshiyad al-Shabaab ah oo halkaasi yaala, ka dib markii ay isku dayeen in ay soo weeraraan fariisin ay lahaayeen ciidanka dowladda ee Bariire.


Deegaanka Bariire ayaa dhawaan waxaa argagixisada al-Shabaab kala wareegay Ciidanka Xoogga dalka gaar ahaan kuwa Danab kuwaas oo halkaas ka sameeyey howlgalo isdaba joog ah,waxaana lagu guda jiraa xilligii ugu dambeeyay ee lagu soo afjari lahaa al-Shabaab.

Top
We use cookies to improve our website. By continuing to use this website, you are giving consent to cookies being used. More details…