Al-Shabaab oo odayaal ku xiray Koonfurta Gobolka Mudug


Maleeshiyaadka Al-shabaab ayaa waxaa la sheegay in odayaal ay ku xireen Koonfurta Gobolka Mudug ee Dhanka Maamulka Galmudug. Deegaanada Shabaabka lagu xiray ayaa waxay hoostagaan Warshubo iyo tuulooyinka kale, waxayna Odayaasha la xiray ay gaarayaan 18 Oday oo ah kuwa deegaanka Warshubo ee Gobolka Mudug si aad ah loogu yaqaano , sida dad goob-joogayaal ah ay sheegayaan.

Wararka ayaa waxay sheegayaan in Sababta loo xiray Odayaasha ay tahay kadib markii ay ka biyo diideen Amar uga yimid Al-Shabaab ee ku sugan degmada Xarardheere ee Gobalka Mudug.
Amarka Al-Shabaab ayaa ahaa in Odayaasha Deegaanka ay keenaan Dhalinyaro ka barbar dagaalanta Al-Shabaab oo ah kuwa degaanka, iyadoo Odayaasha la xiray ay ka soo horjeesteen Amarka Al-Shabaab.
 
Dhanka kale maalmo ka hor ayay ahayd markii Al-Shabaab ay odayaal ku xireen deegaano ay ka mid yihiin Xiindheere iyo Ceel garaas oo dhamaantood hoostaga degmada Ceel Buur ee Gobalka Galgaduud.
 
Top
We use cookies to improve our website. By continuing to use this website, you are giving consent to cookies being used. More details…