Qoysas dan yar ah oo kasoo cararay al-Shabaab


Ciidamada Xoogga dalka ayaa raashiin u qeybiyay Qoysas dan yar ah oo ku nool deegaanka Dhannaane oo ka mid ah deegaanada hoostaga magaalada Marka ee xarunta Gobolka Shabeella hoose.


Qoysaskan danyarta ah ee Ciidamada Xoogga dalka u gurmadeen ayaa ka soo cararay deegaano fog oo ay kaga yimaadeen dhibaato ay maleeshiyada Al-Shabaab ku hayeen,waxayna Ciidamada Xoogga dalka Xoog uga saareen Al-Shabaab deegaanka. Deegaanka Dhannaane ee Gobolka Shabeellaha hoose malahan Ceel-biyood,Kooxda argagixisada Al-Shabaab ayaa horay u diiday in la qodo,balse shacabka hadda waxay qabaan rajo maadaama Ciidamada Xoogga soo gaareen.
Qaara ka mid ah Shacabka deegaanka Dhannaane oo la hadlay Warbaahinta Qaranka ayaa sheegay iney ku faraxsan yihiin iney gurmad ka helaan Ciidamada Xoogga,halka maleeshiyadii Al-Shabaab dadka ay dhibaateynayeen,waxayna uga mahad celiyeen gurmadkii ay soo gaarsiiyeen.


Ciidamada Xoogga dalka oo howlgalo ka dhan ah maleeshiyada Al-Shabaab ka wada Gobolka Shabeellaha hoose ayaa u suurta gashay iney xoog argagixisada Al-Shabaab uga saaraan deegaano badan.

Magaalada Jamaame oo laga xoreeyay al-Shabaab


Ciidammada Xoogga Dalka Soomaaliyeed oo kaashanaya kuwa Jubbaland waxay magaalada Jamaame ee Jubbada Hoose ka saareen ururka al-Shabaab, iyadoo ummadda Soomaaliyeed ee halkaas ku dhaqan farxad muujiyeen maaddaama laga xoreeyay dhibaatooyinka ururka ku hayah dadkaas.

Howl-galka lagaga saaray ururka degmada Jamaame wuxuu bilowday aroortii, waxayna Ciidammada Xoogga Dalka si buuxda ula wareegeen degmadaas iyo tuulooyinka hoos yimaada maamulka Jamaame.
 
Goobaha laga xoreeyay dhiig-cabtada al-Shabaab waxaa ka mid ah Bangini, Muufo, Mana iyo Koban kuwaas oo hoos yimaadaan Jamaame.

Ururka dhiig-cabtada ah ee al-Shabaab waxaa laga saaray magaalooyinka waaweyn ee koonfur iyo bartamaha Soomaaliya sanadyadii lasoo dhaafay, waxaana hubaal ah in laga saari doono tuuloyinka faro-ku-tiriska ah ee weli ururku ka arrimiyo.
 

Sababta al-Shabaab uu ummadda ula beegsado dhibaateynta


Kooxda diinta Islaameed ku dhuumata ee dhiig-cabtada ah ee al-Shabaab waxay had iyo jeerba qaraxyo iyo xabbado la beegsataa ummadda Soomaaliyeed ee masaakiinta ah ee an waxba galabsan iyadoo ujeeddadeedu tahay inay dadweynaha Soomaaliyeed baabi’iyaan.


Kooxda waxay iyadoon kala sooc iyo kala sooqaad laheyn dhulka iyo waddooyinka ku aasaan miinooyin iyo walxaha qarxa dantoodana ma aha ciddii uu qaraxaas la kaco ama ku qarxo. Ururka dilaaga ah ee al-Shabaab wuxuu dhawaan magaalada Ceel-waaq ee Gobolka Gedo maqaaxad ku taallo ku aasay bam kaasoo ay ku dhinteen 8 qof oo aan wax galabsan kaddib markii bamkaas lagu qaxiyay goobtaas.


Bishii Oktoobar ee sanadkii lasoo dhaafayna, 500 oo qof oo Soomaaliyeed oo aan wax galabsan ayaa iyana ku dhinteen qarax uu ururka la beegsaday dadweynaha Soomaaliiyeed. Weeararrada noocaan ah waa kuwo uu caadeystay ururka al-Shabaab sababtoo ah weerarradaas waxay meel mariyaan ujeeddada ururka ee ah inuu baabi’io ummadda Soomaaliyeed, wuxuuna farxad ka helaa baaba’a dadka Soomaaliyeed.


Hasa ahaatee, saraakiisha amniga Soomaaliya waxay wadaan dadaallo xooggan oo ku aaddan ka hortagga ururkaan nabad-diidka ah. Saraakiisha amniga waxay dhawaan magaalada Af-gooye ku qabteen nin ururka al-Shabaab u qaabilsan sameynta walxaha qarxa kaasoo ku tala jiray inuu weerar ka fuliyo degmadaas. 
Saraakiisha amniga waxay horay u haysteen xog ay soo sheegeen dadweynaha Soomaaliyeed ee ku dhaqan magaaladaas.

Top
We use cookies to improve our website. By continuing to use this website, you are giving consent to cookies being used. More details…